NGO's: Mauaji ya wanakijiji Congo yachunguzwe

Na Renalda Mwarabu

 

Jumuiya mbalimbali zisizo za serikali (NGO's) zimetoa wito wa kufanyika uchunguzi kuhusu mauaji ya wanakijiji huko mashariki mwa Jamhuri ya Kidemokrasia ya Congo.

Innocent Segihobe ambaye ni Katibu Mkuu wa jumuiya zisizo za serikali amesema uchunguzi huo unapaswa kuweka wazi majukumu ya kufanya baada ya mauaji ya wanakijiji cha Nyanzale katika eneo la Rusthuru huko Kivu Kaskazini, Congo DR. Segihobe amewatuhumu viongozi wa kisiasa wa eneo la Rusthuru kwamba wanahusika katika kudumisha machafuko na mapigano huko Kivu Kaskazini.

Mapigano yaliyotokea baina ya wakimbizi na wakazi wa kijiji cha Rusthuru yalianza baada ya kupatikana maiti ya mkimbizi mmoja katika eneo hilo. 

Wakimbizi hao wanawatuhumu wanakijiji kuwa ndio waliomuua mkimbizi mwenzao.

Watu watano wameripotiwa kuuawa na nyumba zaidi ya 40 kuteketezwa kwa moto katika machafuko hayo. 

Baadhi ya wakazi wa kijiji cha Rusthuru wamekimbilia katika kambi za askari wa kulinda amani wa Umoja wa Mataifa. 
Chanzo radio Terhan

WANAFUNZI WA KIKE CHUONI HABARI MAALUM WAASWA KUZINGATIA NIDHAMU YA MAVAZI

Na Renalda Mwarabu

Mwalimu mlezi chuo cha Habari Maalum bwana Nestory Ihano akizungumza na wasichana kwa habari ya nidhamu ya mavazi.(Picha na Renalda Mwarabu)

 

Mwalimu mlezi wa wanafunzi  ambaye pia ni mkuu wa kitengo cha uongozi na usimamizi katika chuo cha Habari Maalum, Ndugu Nestory Ihano,  amewataka  wanafunzi wa kike chuoni hapo kuwa na nidhamu katika mambo mbalimbali hasa suala zima la mavazi, kwani wamekuwa  wakienda kinyume na sheria za chuo kwa kuvaa mavazi yasiyo ya heshima.

Akizungumza na wasichana  mara baada ya kumaliza matangazo ya kila siku na kuomba kubaki na wanafunzi wa kike kwa mazungumzo maalum, amesema wasichana wengi wamejisahau  katika  suala la nidhamu ya mavazi huku likiwa ni moja ya masuala nyeti katika nidhamu chuoni hapo.

 Bwana Ihano, amesema yeye hayuko tayari kuona mwanafunzi yeyote anavaa mavazi yasiyo ya heshima, na kwamba endapo hali hiyo itaendelea  hakuto kuwa na msamaha wowote bali sheria kufuata mkondo wake.

Hali kadhalika, amewataka wanafunzi wote ambao wamehama kutoka katika mabweni ya chuo kutoendelea kulala katika mabweni hayo, kwani wao wamesha amua kuishi maisha yao ya kujitegemea  na kwamba chuo kinawatambua kama wanafunzi  hivyo hawana haki ya kuendelea  kuyatumia mabweni hayo.

Pamoja na kwamba wanafunzi wanao ishi katika mabweni ya chuo wanaongozwa na sheria za namna ya kuishi, mlezi huyo amesema wanafunzi wamekuwa wakienda kinyume na utaratibu na sheria za mahali hapo, kwa kutokutoa taarifa wanapotaka kufanya jambo lolote ama kwenda mahali popote  na kujichukulia maamuzi yao binafsi .

Bwana Ihano amewataka pia kuonyesha hali ya utii na nidhamu kwa watu wanao wazunguka ikiwa ni pamoja na walinzi wa mazingira ya chuo, kwani kumekuwa na malalamiko kuwa wanafunzi wamekuwa wakibishana na walinzi pale wanapohitajika kufuata sheria mbalimbali.

Aidha, ametoa wito kwa wanafunzi hao wakike kuwa waangalifu pindi wanapokuwa  chuoni, kwani kwani hali ya kuto kutii inaweza kuwasababishia wao matokeo mabaya, ikiwa ni pamoja na kujikosesha haki ya  kuishi katika mabweni ya chuo.

Rais wa Misri asema tukio la kuanguka kwa ndege ya Russia lilisababishwa na binadamu

Na Renalda Mwarabu

Rais Abdel Fattah el-Sisi wa Misri amesema, tukio la kuanguka kwa ndege ya Russia lililotokea mwezi Oktoba mwaja jana katika peninsula ya Sinai lilisababishwa na binadamu.
Rais Al Sisi amesema hayo kwenye hafla ya uzinduzi wa mkakati wa maendeleo endelevu ya mwaka 2030 wa Misri, na kutoa mwito kwa bunge la Misri kufuatilia hali ya peninsula hiyo na kusisitiza kuwa bado kuna tishio la ugaidi nchini Misri.

"Ugaidi umeondolewa? Hapana, lakini tukishirikiana tunaweza kuushinda. Lengo la watu walioangusha ndege ya Russia ni nini? Ni kuvuruga utalii wa Misri tu? Haitoshi, pia wanajaribu kuvuruga uhusiano wetu na Russia, Italia na Misri na nchi nyingine za dunia."

Hivi sasa tume inayochunguza tukio hilo inayoongozwa na Misri bado haijatangaza ripoti rasmi ya uchunguzi wa ajali hiyo. Chanzo Radio China

HALI YA SINTOFAHAMU YAWAKUMBA WANAFUNZI CHUONI HABARI MAALUMU BAADA YA SAKAFU KUBOMOKA

Na Renalda Mwarabu

Darasa lililopatwa na hitirafu ya sakafu ( Picha na Renalda Mwarabu).

Hitirafu imetokea Katika  chumba cha darasa kilichoko ghorofani chenye namba LR 07, katika chuo cha Habari Maalum  kilichopo Ngaramtoni Wilaya ya Arumeru, Mkoani Arusha mara baada ya kutokea mfumuko wa vigae sakafuni nakusababisha hali ya sintofahamu kwa wanafunzi.

Hali hiyo imetokea wakati mwalimu na wanafunzi wakiwepo darasani n tayari kwa kuanza masomo pindi ambapo mmoja wa wanafunzi wa darasa hilo ambaye pia ni waziri wa elimu chuoni Habari Maalum alipokuwa akimsaidia mwalimu kuaandaa mashine ya ufundishaji (projekta).

Mwanafunzi Albin Michavo akizungumzia namna hitirafu ilivyotokea(Picha na

Waziri huyo wa elimu Bwana Albin Michavoo amesema hali ya sintofahamu ililikumba darasa na kusababisha wanafunzi kukimbia huku wakitoka nje ya darasa na kuacha vitu vyao.

Akitoa mtazamo wake amesema hali hiyo imetokea kwasababu vigae vimeonekana kuwa vimebananishwa na kukosa nafasi , hivyo ni rahisi sana hali hii kujirudia mara kwa mara.

Amesema si mara ya kwanza kutokea kwa hali hii, kwani hata muhula uliopita hitirafu kama hii ilikwisha wahi kutokea  katika darasa walilowahi kutumia lenye namba ya 09 na kuwapelekea kuhama darasa.

Kwa upande wake mwalimu alikuwa akifundisha katika darasa hilo, ambaye pia ni mwalimu kutoka uingereza, mwalimu Christopher Singh amesema chumba hicho si salama sasa kwa shughuli za masomo, hivyo imewabidi kuhamia chumba chenye namba LR 05, kwa ajili ya kuendelea na masomo.

Ikumbukwe kuwa mwaka uliopita hitirafu kama hii imewahi kutokea mara kwa mara, si katika madarasa tuu lakini pia katika koldo .

Wanafunzi waliopatwa na janga hilo ni kutoka darasa la stashahada ya kwanza A na B kwani walikuwa wamechangamana.

Lakini mpaka sasa bado haijajulikana ni nini kilichosababisha hitirafu hiyo.

WANAFUNZI CHUONI HABARI MAALUM WAASWA KUZINGATIA NIDHAMU YA MUDA

Na Renalda Mwarabu

                                     

                                     Mwalimu mlezi wa wanafunzi Bwana Nestory Ihano akizungumza na wanafunzi kwa habari ya kujali na kutunza muda. (Picha na Nickson Mafuru)



                                                  Mwalimu mlezi wa wanafunzi ambaye pia ni mkuu wa kitengo cha uongozi na usimamizi katika chuo cha Habari Maalum, ndugu Nestory Ihano, amewataka wanafunzi kuzingatia na kutunza matumizi ya muda, pindi wanapokuwa chuoni,                   hali ambayo itawapelekea kuwa watendaji wazuri baadaye.

Amesema hayo wakati akitoa matangazo ya kila siku katika chumba cha mikutano, mara baada ya kumaliza maombi ya asubuhi, na kusema kuwa tatizo la uchelewaji ni tatizo ambalo  linataka kuwa sugu kwa baadhi ya wanafunzi, na kwamba hali hiyo itapelekea maisha ya baadhi ya wanafunzi kuwa magumu siku za mbeleni  kwani muda ndiyo uti wa mgongo wa maendeleo.

Bwana Ihano amewaasa wanafunzi kufuata sheria za chuo ikiwa ni pamoja na kujali muda wa vipindi, na kujifunza kufanya mambo kwa wakati husika, kwani baadhi ya wanafunzi wamekuwa wakipuuzia kuhudhulia maombi ya asubuhi ambapo ni moja kati ya taratibu za chuo.

Naye mmoja wa waalimu wa chuo hicho, Mwalimu Emmy Kimaro, ambaye ni mwalimu wa masomo ya Public Relation and Advertising, Media Law, pamoja na somo la Studying techniques, amesema wanafunzi wanayo nidhamu, lakini ipo changamoto ya matumizi ya muda wa darasani, ambapo wanafunzi wamekuwa wakichelewa madarasani na kuwakuta waalimu wakiwepo tayari darasani, hali ambayo haitakiwi kitaaluma, kwani hupelekea  kupoteza umakini wa wanafunzi wanapokuwa madarasani.

                            

                                     Mwalimu Emmy Kimaro akizungumzia changamoto  zilizopo katika suala Zima la nidhamu ya muda chuoni Habari Maalum. (Picha na Asaph Bimila).



Mwalimu Emmy ameongeza kwa kusema kuwa, changamoto nyingine  inatokea pale ambapo wanafunzi wanaposhindwa kufika chuoni asubuhi kwa muda uliopangwa kwaajili ya maombi ya asubuhi .

Ametoa wito kwa wanafunzi wote kuwa, wanatakiwa kutumia muda walionao vizuri, kwani muda huwa haujirudii na kuhakikisha wanafanya kila jambo kwa wakati husika ili kufikia malengo yao.

Mmoja wa wanafunzi wa chuo cha Habari Maalum, Adelphina Pius, amezitaja baadhi ya sababu zinazompelekea mwanafunzi kutokuheshimu muda, kuwa ni pamoja na uvivu ,kuto kuutambua wajibu na malengo, lakini pia kutokujali umuhimu wa elimu,  na kupelekea wanafunzi kuto fanikiwa kwa viwango vinavyotakiwa.

Kwa upande wake Makamo mkuu wa chuo taaluma, Bwana Lazarus Laizer, amesema nidhamu Ya utunzaji wa muda kwa wanafunzi, inaridhisha kwani amekuwa akifanya uchunguzi wa kina juu ya wanafunzi  na kuona kwamba wanafunzi wanajitahidi kujishughulisha katika nyanja mbalimbali za masomo muda wote wanapokuwepo chuoni.

 Lazarus amesema , siku za nyuma wanafunzi walikuwa wakizagaa hovyo na kuhakiki kuwa ni jambo la tofaauti sana, kuona kwamba katika muhula huu nidhamu ya matumizi ya muda imeimarika tofauti na siku za nyuma.

                    

                              Makamo Mkuu wa Chuo Taaluma Bwana Lazarus Laizer akizungumzia mwenendo wa              nidhamu ya muda kitaaluma chuoni Habari Maalum ( Picha na Asaph Bimila).



Aidha, Lazarus amesema bado kuna changamoto kubwa kwa baadhi ya wanafunzi, kwani wanachelewa kufika asubuhi katika muda wa maombi kwa kuzingatia kwamba, chuo kimejenga misingi yake juu ya maombi na hivyo kila mwafunzi anatakiwa kujihusisha katika suala zima la maombi lakini baadhi yao wamekuwa wakilipuuzia hilio.

Lazarus ametoa wito kwa wanafunzi wote kuwa wanatakiwa kufuata utamaduni wa chuo, kwani kila mahali kuna tamaduni na sheria ambazo ni lazima kila mtu aishi akiongozwa nazo.

SAFARI YA UJENZI CHUONI HABARI MAALUM YAENDELEA KWA SURA NZURI

Na Renalda Mwarabu

Mkuu wa chuo bwana Jackson Kaluzi akizungumzia maendeleo ya ujenzi (picha na Renalda Mwarabu).

Wakati ujenzi wa studio na maktaba ukiendelea chuoni Habari Maalum, Mkuu wa chuo bwana Jackson Kaluzi amesema tangu ujenzi ulipoanza mpaka sasa wanaamini kuwa ujenzi utakamilika ndani ya miezi sita kama walivyo panga kwani hadi sasa maendeleo ni mazuri.

Kaluzi amesema imani yao ni kubwa hasa juu ya mkandarasi anayesimamia ujenzi huo kwani anaonyesha juhudi katika utendaji wake, ambapo kila wiki na kila mwezi kuna hatua zinazotakiwa kufikiwa  na matarajio yao yanaonekana kukamilika.

 

Eneo ambalo ujenzi unaendelea Chuoni Habari Maalum ( Picha na Renalda)

Aidha amesema pamoja na kuwepo na changamoto mbalimbali ikiwa ni pamoja na jinsi ya kufikisha vifaa vya ujenzi katika eneo la ujenzi lakini hayo yote yameshughulikiwa.

Kwa upande wake Injinia wa Elerai Constraction Company Limited ni muda mfupi tangu waanze takribani mwezi mmoja lakini hadi sasa wamefika hatua ya juu zaidi ya muda walioutumia.

 

Injinia Elitosha Kimaro akizungumzia mwenendo wa ujenzi(Picha na Renalda)

Bwana Kimaro amezitaja changamoto wanazokutana nazo kuwa ni pamoja naukosekanaji wa maji maeneo ya karibu na kazi, hivyo hivyo inawagalimu kufuata maji mbali, pia ardhi ina vumbi ambayo ni changamoto katika kazi, lakini wanajitahidi kudhibiti kwa kumwaga maji mengi ardhini.

Injinia huyo amemaliza kwa kusema kuwa, kazi hii imekuwa na faida kubwa kwa wakazi wanaoishi kuzuguka chuo cha Habari Maalum, kwani wameweza kupata ajira.